دنيابريس/ميراني الناجي
مْدِينَة فْ آخِرْ الَكْلاَمْ
وَضْعُوهَا فِي الثَّابُوتْ
قَتْلُوهَا وْلاَدْ الَحْرَامْ
لَكِنْ عَمَّرْهَا مَا تْمُوتْ
الْمَسْؤُولِينْ عْلِيهَا
نْسَاوْهَا وْفَرّْطُو فِيهَا
الْبَرْلَمَانِي غِيرْ كَيْسَاوِي
الْهَضْرَة غْلِيظَة وَكْلاَمُو خَاوِي
وَالْمُسْتَشَارْ خْدَعْ مْدِينَة بْشِعَارْ
إيلاَ مَا طْلَعْ حْمَارْ يَطْلَعْ شَفَّارْ
مْدِينَة عَامْرَة بِالضَّفَاضِيعْ
للِّي عَاشْ فِيهَا يْضِيعْ
لاَ جْرَادِي لاَ شَوَارِعْ
لاَ خْدَامِي لاَ مَشَارِيعْ
وَالَبْحَرْ يَبْكِي وَيْنِينْ
قَتْلُوهْ بْكَبْرِيتْ لَوْزِينْ
وَالْبَحْرِي مَسْكِينْ
لاَ قَشْرَة لاَ سَرْدِينْ
مْدِينَة عَامْرَة بْالْحُمَّاقْ
لاَ مُسْتَقْبَلْ لاَ أَفَاقْ
المبدع و الفنان ______مراني الناجي
سلا في : 26 /06 /2015
إرسال تعليق